Gutenberg (стандардниот уредувач) работи со блокови: секој параграф, слика или наслов е свој блок што се додава, поместува и брише. Изгледа збунувачки првите десет минути, потоа е полесно од Word. Еве ги десетте што ви требаат.
Десетте блока
Прочитај и
- Параграф — обичен текст; се создава сам кога притиснете Enter
- Наслов — H2 за главните делови, H3 за под-делови (H1 е насловот на објавата, не го користете во текстот)
- Слика — една слика со опис под неа
- Листа — со точки или броеви; ги прави текстовите читливи
- Цитат — за изјава на клиент или важна мисла
- Копче — CTA („Побарајте понуда“); не заборавајте да ставите линк
- Галерија — повеќе слики во мрежа
- Колони — текст лево, слика десно (внимавајте како изгледа на мобилен!)
- Табела — за цени и споредби
- Одделувач / Празнина — воздух меѓу деловите; страница без воздух се чита тешко
Трикот што штеди време
Наместо да го барате блокот во листата: напишете / и почетокот на името (пример: /слика или /image) → се појавува веднаш. Со ова се работи трипати побрзо.
Уште три корисни работи
- Поместување — стрелките лево од блокот, или фатете го со шестте точки и влечете
- Копирање на блок — трите точки → Дуплирај (одлично за повторливи делови)
- Список со содржини — иконата горе лево (List view) ја покажува целата структура; спас кај долги објави
Ако ви е пренатрупано
Во поставките исклучете ги советите и „премести во целосен екран“ — уредувачот станува мирен и чист.
Кога ви треба повеќе
За посложени изгледи постојат градители (Elementor и слични) — но за блог објави, Gutenberg е доволен, побрз и полесен за одржување. Помалку плагини значи побрз сајт.